Siglir tar il cuntegn

Header

Charta dal Grischun.
Legenda: Situaziun da traffic a las 19:51. vias chantun GR
cuntegn

Engiadina Situaziun sin via sa calma

Il decurs dal di han automobilists per part stuì spetgar fin a trais uras per transportar l'auto tras il Veraina. Il mument munta il temp da spetga a duas uras a Selfranga.

Situaziun sin via

  • Il Pass Lucmagn è serrà.
  • Tranter Malögia e Segl resta la via principala serrada. Dumengia a las 11 vegn la situaziun valitada da nov.
  • La via tranter Alvagnì e Bravuogn sco er tranter Bravuogn e Stugl è serrada.
  • In obligatori da chadainas vala sur ils pass dal Bernina e Güglia.
  • Il temp da spetga per transportar l'auto tras il Veraina munta a 2 uras a Selfranga.

Il Pass dal Güglia è puspè avert dapi las 16:00. Là eran duas lavinas vegnidas a val. Er il pass dal Fuorn è stà serrà enfin las 15:30. Uschia n'era la Val Müstair betg cuntanschibla nà da l'Engiadina.

Disturbis sin binaris

  • Il traffic da viafier tranter Filisur e Bravuogn è interrut. Per motivs da segirezza resta quella colliaziun serrada l'entira notg. Viagiaturs da Cuira a San Murezzan e viceversa van via Landquart - Claustra.

Sbuvaditschs tranter Bravuogn e Filisur

Blera naiv chaschuna ina situaziun critica. Tranter Bravuogn e Filisur èn ids a val bovas.

video
Sbuvaditschs tranter Bravuogn e Filisur
Or da RTR dals 02.02.2019.
laschar ir. Durada: 20 Secundas.

Privel da lavinas

L'institut da naiv e lavinas a Tavau annunzia per l'Engiadin'Ota, la Val Müstair e las valladas talianas in privel da lavinas grond, stgalim 4. Per il rest dal Grischun vala in privel da lavinas considerabel, stgalim 3.

Naiv nova – 2 da favrer 2019

Lieu
mesiraziun 07:00 (02.02.2019)
Segl-Maria69
Sta. Maria / Val Müstair
56
Poschiavo50
Samedan48
Arosa42
Scuol37
Bivio30
Vrin16
Tavau15

RR novitads 08:00++

Artitgels legids il pli savens