Projects d’ovras idraulicas, da viafiers e surfabricaziuns en la cuntrada dals lais d’Engiadin’Ota han procurà ils davos 100 onns per gronds cumbats. L’exposiziun preschenta quests conflicts a maun da fotografias, plans, objects e citats.
La Pro Lej da Segl ch'è vegnida fundada il 1944 ha pudì persvader las vischnancas da Segl e da Stampa da desister sin in'ovra idraulica or dal lai da Segl. Questas duas vischnancas èn vegnidas remuneradas cun las entradas da l'emprima acziun dal marenghin da tschigulatta l’onn 1946.
Talas acziuns e cumbats giuridics en l'Engiadin’Ota han influenzà era leschas federalas per la planisaziun dal territori.
RTR Telesguard 17:40