Siglir tar il cuntegn

Header

Navigaziun

Legenda: Guardar il video Far naiv a Zuoz è pli bunmartgà: Gidar gida in nov sitstem che las pendicularas a Zuoz han installà. Durada 03:08 minutas.
Or da Telesguard dals 18.03.2019.
cuntegn

Engiadina Snora – In pitschen apparat cun grond effect

Far naiv artifiziala na maglia betg mo blera energia, mabain chaschuna era auts custs da producziun. In sistem cul num Snora duai uss gidar a sbassar quest consum, e cunquai era ils custs.

Per 40’000 francs ha la regiun da skis da Zuoz installà questa stagiun il sistem Snora. Quest sistem regulescha la temperatura da las pignas en ils tumbins che collian chanuns e lantschas in cun l’auter. Tut tenor l’implant d’ennavaziun ston ils tumbins vegnir stgaudads permanentamain uschia che l’aua na schelia betg.

Ussa che la stagiun da skis è ida a fin a Zuoz tiran ils responsabels ina bilantscha positiva. Els han numnadamain pudì spargnar radund 90% da l’energia che vegniva duvrada pli baud per stgaudar ils tumbins. In respargn en raps da quai da passa 20’000 francs.

Malgrà il grond potenzial da spargn n’è questa tecnologia anc betg uschè in grond tema per pendicularas pli grondas en il Grischun. Quai perquai ch’il respargn en relaziun cun l'entir consum d’energia è uschè pitschen, che las grondas regiuns da skis mettan lur focus plitost sin optimar il management da far naiv.

TR Telesguard 17:40