Siglir tar il cuntegn

Header

video
Snow Polo San Murezzan e la mancanza da la naiv sin il lai
Or da Telesguard dals 21.01.2020.
laschar ir
cuntegn

Snow Polo San Murezzan Preparativas l'ultima minuta

Dapi il1985 datti l'occurrenza dal Snow Polo sin il Lai da San Murezzan e mintga giada è l'organisaziun e la construcziun sin il glatsch ina gronda sfida e lascha suar ils responsabels. Quest onn datti pauca naiv – per fabritgar si l’infrastructura in avantatg, per il sport sco tal in problem.

Questa fin d’emna è puspè ura e temp per il Snow Polo World Cup a San Murezzan. Igl è la 36avla ediziun – giugà vegn 4 cunter 4 – sin chavals e sin naiv. L’eveniment da prestige è important per l’entira regiun da l’Engiadin’Ota. Per onn maina el var 12 milliuns francs svieuta aifer trais dis. Da preparar mintg’onn il Lai da San Murezzan per ils chavals, chavaltgaders e per il public internaziunal è però ina sfida.

Cumenzà a fabritgar l’entira infrastructura han ins ils 13 da schaner. Quai è stà l’ultim di pussaivel - tut il rest fiss stà memia tard. Entaifer 10 dis sto tut esser pront, vul dir la pista per giugar a Polo, las trais tribunas e las 15 tendas per var 2000 aspectaturas ed aspectaturs. L’entira infrastructura paisa var 200 tonnas. Il budget per il Snow Polo World Cup munta a 2,5 milliuns francs – per ils trais dis da l’occurrenza.

RTR Telesguard 17:40

Artitgels legids il pli savens

Scrollar a sanestra Scrollar a dretga