Siglir tar il cuntegn

Header

video
Preparaziuns per olimpia 2026 a Livigno
Or da Telesguard dals 28.02.2022.
abspielen. Laufzeit 5 minutas 17 Sekunden.
cuntegn

Snowboard e freestyle Livigno sa prepara per ils gieus olimpics 2026

En quatter onns han lieu ils gieus olimpics a Milano Cortina. A Livigno èn previdas duas disciplinas. Uschia vul la vischnanca investir 80 milliuns euros en l’infrastructura.

La preparaziun è anc en planisaziun. Ma Livigno vul modernisar l’infrastructura turistica d’enviern ed esser pinà en vista als gieus olimpics 2026.

Quatter projects concrets

  • Il pli impurtant project vegn ad esser ina pendiculara che collia las regiuns da skis che sa chattan dretg e sanester dal vitg. Igl è previs da fabritgar ina pendiculara che traversa la val.
  • Plinavant vul Livigno schliar la situaziun dal traffic cun realisar ina garascha per radund 800 autos.
  • Ed amez il vitg vulan els fabritgar in center d’urgenza, cunquai ch'i na dat nagin ospital a Livigno.
  • Ina da las sfidas centralas vegnan ad esser las vias per rivar a Livigno. Il pass Fuscagn che vegn dal sid ennà è gia oz bain transibel. Munt la Schera davart dal Pass dal Fuorn ennà na vegn betg da purtar tut il traffic causa il tunnel. Uschè vulan els investir en ina galaria sur «La Forcola». La finamira saja da pussibilitar d’avrir quella via durant l’enviern oravant tut per autobus.
audio
Livigno – grondas investiziuns in vista als gieus olimpics 2026
aus Actualitad vom 28.02.2022.
abspielen. Laufzeit 3 minutas 31 Sekunden.

La Lumbardia paja la gronda part

En total vegn quintà cun custs da radund 80 milliuns euros per l'infrastructura. Sustegn finanzial survegn Livigno oravant tut da la Regiun Lumbardia. Quella sa participescha cun surprender 80% dals custs. Livigno sez ha uschia da contribuir anc 20%.

RTR actualitad 17:00

Artitgels legids il pli savens

Scrollar a sanestra Scrollar a dretga