Siglir tar il cuntegn

Header

audio
Societad Auora - cur che il nunchapibel vegn vardad
Or da Actualitad dals 22.10.2021.
abspielen. Laufzeit 3 minutas 6 Sekunden.
cuntegn

Societad Aurora Cura che capita il nunchapibel

La societad Aurora gida a vaiv(a)s e lur uffants a turnar en la vart sulegliva. Per Arlette Burkhard è quella societad stada in grond agid.

Cun 29 onns ha Arlette Burkhard da Sent pers ses um tras in culp dal cor. Ella e ses dus uffants han bain gì grond agid da la famiglia, ma per chattar respostas ha ella contactà la societad Aurora e chattà ina cuminanza che gida a surmuntar il grev temp da cordoli.

Dapli che Ti has lavurà e t'ès ta fatschentà cun quel tema – e meglier vegn ad esser il process da tristezza.
Autur: Arlette Burkhard Mamma da dus uffants

Il tema mort è in grond tabu per blera glieud. Tar la societad Aurora èn tuts pertutgads dal medem destin. Uschia vegnan ins a discurrer da problems, schliaziuns ed era, co ir enturn cun ils uffants. Per Arlette Burkhard è quai in grond e prezius agid. Dentant en passads tschintg onns suenter la mort da ses um e bab dad in mat ed ina matta.

Jau hai acceptà che mes um è mort, jau hai gust da mes uffants, jau giaud il di e stun bain.
Autur: Arlette Burkhard Mamma da dus uffants

Durant ina sairada organisada dal Lions-Club Engiadina Bassa ha Arlette Burkhard dastgà raquintar dal destin e da sia famiglia. Quels han sin quai envidà la societad Auora en Engiadina per passentar ensemen in pèr bels dis d’atun e discurrer da lur vita.

RTR actualitad 17:00

Artitgels legids il pli savens

Scrollar a sanestra Scrollar a dretga