Siglir tar il cuntegn

Header

cuntegn

Engiadina Societad da pestgaders Segl vul ina patenta regiunala

Ina patenta regiunala faschess pli simpel il sistem e faschess pli attractiv la pestga en l'Engiadin’Ota. Da quai è la societad da pestgaders Segl persvas, di il president Antonio Walther. Els vulan perquai far la dumonda al chantun per ina patenta regiunala Engiadin’Ota/Val Bregaglia.

La regiun Engiadin’Ota porscha sper ils flums e lais era la pussaivladad d’ir cun la bartga sin ils lais a pestgar. Quella patenta ston ins dentant cumprar supplementar tar las vischnancas. Quai è cumplitgà. Ina patenta che cumpiglia tut fiss la soluziun, uschè Antonio Walther. Na sco ultim per far pli attractiv la pestga per indigen, ma era per il turissem. In turissem da pestga sco quai ch’ins enconuscha èn Austria fiss era pussaivel en Engiadin’Ota manegia Walther.

Chantun pront da discutar

Tenor il manader da l’Uffizi per chatscha e pestga dal chantun Grischun, Georg Brosi, fissi da discutar la proposta. Quai surtut cun las vischnancas Segl, Silvaplauna e San Murezzan. Ellas han la cumpetenza da dar or las patentas per pestgar sin ils lais.

Patenta per 4 lais

audio
Bunura: Pestgaders da Segl vulan patenta regiunala
ord Actualitad dals 11.04.2015.
laschar ir. Durada: 3 minutas 11 Secundas.

Entant ch’ina patenta regiunala è betg pussaivla ha la societad gia procurà per ina patenta per tut ils 4 lais a Segl, Silvaplauna, Champfèr e San Murezzan. Per 50 francs dapi che enfin ussa pon ils pestgaders cumprar la patenta per tut ils 4 lais.

Artitgels legids il pli savens