Siglir tar il cuntegn
Inhalt

Engiadina Societad dals impressaris constructurs para innocenta

La Societad grischuna dals impressaris constructurs scriva en ina communicaziun che la WEKO veglia sistir la procedura pendenta cunter ella.

Purtret da lavurers sin in plazzal
Legenda: L'Uniun grischuna dals impressaris constructurs saja innocenta. La WEKO veglia sistir la procedura. Keystone

En connex cun impressaris da la Val Müstair che han fatg giu pretschs è vegnì renfatschà a la societad che questas cunvegnas sajan vegnidas fatgas durant pre-sedutas. La Societad grischuna dals impressaris constructurs (SGIC) pretenda dad esser innocenta en connex cun questas cunvegnas da pretschs en l'Engiadina. Sco ella ha communitgà, haja ella pudì cumprovar envers la WEKO (Cumissiun da concurrrenza) ch'ella saja adina sa cumportada tenor reglament da la concurrenza e n'haja betg agì cunter las reglas da cartel.

Il secretariat da la WEKO haja examinà la rolla da la SGIC ils onns 2004 fin il 2008 e propona a la cumissiun da sistir la procedura cunter la SGIC.

La Weko n'è fin ussa betg stada cuntanschibla per ina posiziun.

Il 2012 era vegnì a la glisch che 12 firmas da construcziun sajan sa cunvegnidas cun surdar lavurs. Ins aveva era pretendì che l'Uniun dals impressaris haja organisà sesidas, nua che questas cunvegnas sajan vegnidas fatgas. Questa renfatscha è uss giud maisa.

RR novitads 11:00