Siglir tar il cuntegn

Header

cuntegn

Societad Mostaria Movibla En viadi per la maila

Fin oz è la societad Movimento stada responsabla per la producziun da most. Da nov surpiglia quai la societad Mostaria Movibla.

Dapi 10 onns ha la societad Movimento a Scuol, l’ufficina che porscha plazzas da lavur e d’abitar a persunas cun in impediment, producì most en la regiun. La capacitads persunalas ed era las pussaivladads tecnicas en però creschidas. La societad Movimento ha perquai decis da surdar la producziun ad ina nova societad. Els stattan però a disposiziun per sustegnair la lavur ed era lur butia vegn vendida enavant il most.

audio
Societad Mostaria Movibla
ord Actualitad dals 24.05.2023. Maletg: RTR
laschar ir. Durada: 2 minutas 55 Secundas.

Or da 100 kilos maila datti 70 liters most

La “Mostaria Movibla” sa chattia sin in char annex. Cun quel prevesa la nova societad da viagiar tranter l’Engiadina, la Bregaglia ed era en la Val Müstair. Bunamain 20’000 kilos maila en vegnida pressads ils davos onns en la regiun. Armon Mayer, il president da la nova societad “Mostaria Movibla” sperescha da pudair mantegnair quella quantitad. La finamira è betg da far in grond gudogn, ma da mantegnair la pussaivladad da realisar most en la regiun, plinavant ins sperescha era da promover la producziun da fritga.

Il project è vegni sustegnì finanzialmain dal chantun, da la vischnanca da Scuol ma era da l’Agid da muntogna Svizzer.

RTR actualitad 17:06

Artitgels legids il pli savens