Stuair metter si la mascra u dischinfectar ils utensils da lavur suenter in di plain lavur, quai e betg problematic, ma stuair star sin distanza quai è ina vaira sfida. Gist ussa durant la pandemia da corona manca quai fermamain a singuls clients che vivan en las quatter chasas da la societad Movimento a Poschiavo, Müstair, Samedan e Scuol.
Gist clients cun impediments psichics ins sto observar spezialmain, els basegnan structuras fermas e regularas. Midaments a curta vista fan fastidi ad els. Per il persunal è quai ina gronda sfida, ma els èn scolads e san co reagir. Ina communicaziun averta e sincera è impurtanta, uschia la manadra da fatschenta Karin Hänni.
Dentant exista il coronavirus gia divers mais, ils clients han sa disà vi da las novas mesiras e la vita cun mascra e distanza.