Siglir tar il cuntegn

Header

cuntegn

Spotlight Svizra Lyceum Alpinum e scola Poschiavo onurads per projects innovativs

En il center da l’organisaziun tetgala «Spotlight Svizra» stat la transfurmaziun digitala en scola. Tar la scola a Poschiavo èn per exempel stads ils roboters en il center. Cun agid d'ina scola auta han ils magisters e las magistras emprais d'enconuscher differentas furmas da roboters e co ch'ins programmescha quels. Quella savida han els lura dà vinavant a tut las scolaras e scolars, da la scolina fin tar la scola secundara. Uschia duessan els vegnir preparads sin il mund digital ed emprender d'enconuscher sias sfidas.

audio
Saira: Lyceum Alpinum Zuoz – Premi per labor d'emprender digital
ord Actualitad dals 31.10.2019.
laschar ir. Durada: 2 minutas 58 Secundas.

«Digital Learning Lab»

Tar il Lyceum Alpinum a Zuoz han var 30 scolaras e scolars cun agid da magisters e 30 experts ord il mund digital, realisà differents projects. Quai entaifer in curt temp d’in di e mez per sviluppar novas ideas.

Uschia ha ina gruppa realisà il project «Learning Nomads» e sviluppa la maniera d’emprender a scola sco viadi ventiraivel. Davent dal Smartphone, da la televisiun – ora en la natira! In’autra ha creà la nova applicaziun «Digital Balance» per scursanir il temp avant in visur.

Collavuraziun sin medem stgalim

Tenor il rectur da la scola media, Christoph Wittmer, tematisescha il labor digital surtut l'emprender sez. Emprima prioritad haja tar il lavuratori en scola ch’ils scolars emprendan bler pli baud a surpigliar responsabladad per lur emprender. Ultra da quai duessan ils scolars gia pudair perscrutar avant ch’els arrivan a l’universitad, manegia il rectur. E grazia al project duai er esser cler che l’emprender funcziunescha entant sur ils cunfins da la stanza da scola ora. Grazia a la digitalisaziun è tut collià tras la rait.

Ils projects premiads èn documentads cun curts videos e vegnan preschentads er en occasiun dal HundrED Innovation Summit a Helsinki dals 6 fin 8 da november 2019.

RR novitads 17:00

Artitgels legids il pli savens