Per la 36avla giada èn sa mesirads uffants e giuvenils tranter 6 e 16 onns al sprint da passlung a Samedan. A la partenza èn stadas var 80 passlunghistas e passlunghists. En il prolog cun partenza singula hai gì num da sa qualifitgar per las proximas rundas en ils «heats». La motivaziun tar las mattas ed ils mats è stada gronda – la finamira da la gronda part: vegnir sin il podest.
Jau guard be sin quai. Jau fatsch be il sport da passlung e quai ma plascha fitg bain.
Finamiras cleras han las giuvnas ed ils giuvens er per l’avegnir. Uschia han blers dad els en mira ina carriera da passlung. Per vegnir al punct d’esser passlunghista u passlunghist da professiun dovri bler trenament e natiralmain er bleras cursas. Sut quest'ensaina èn blers partids.
Jau vuless daventar profi sco mia madritscha. Ella ha era fatg JO ed ha gudagnà bleras giadas.