Siglir tar il cuntegn

Header

video
75 onns SRG.R - novas sfidas spetgan
Or da Telesguard dals 11.10.2021.
laschar ir. Durada: 3 minutas 17 Secundas.
cuntegn

SRG SSR Svizra Rumantscha La SRG.R festivescha ses 75avel

A Schlarigna han festivà venderdi saira var 80 persunas il giubileum da 75 onns SRG.R. L’uniun purtadra da RTR è vegnida fundada l’onn 1946 sco «Cumünanza radio rumantsch, CRR». La finamira principala è er anc oz da represchentar RTR sin champ naziunal e chantunal e da defender ils interess da la chasa da medias dal servetsch public. Ensemen cun RTR mantegna e tgira la SRG.R la lingua, la cultura e la cuminanza rumantscha.

audio
75 onns SRG.R: L'impurtanza da l'uniun
ord Novitads dals 09.10.2021.
laschar ir. Durada: 2 minutas 34 Secundas.

Sfidas da l’avegnir

La transfurmaziun digitala da las medias èn grondas sfidas per l’avegnir, di Vincent Augustin, il president da la SRG.R. Oravant tut vul ins lavurar per cuntanscher enavant la giuventetgna.  

Elecziuns

A chaschun da la radunanza generala dad oz han ils preschents elegì Elvira Pünchera en la suprastanza da la SRG.R. La scolasta e mainascola da S-chanf succeda a Ladina Simonelli-Zisler. Ella ha demissiunà suenter trais onns ord raschuns persunalas. En il Cussegl dal public è vegnì elegì Curdin Caduff da Schluein. El succeda ad Alexi Nay da Vella.

Nicolas Pernet, directur RTR, Elvira Pünchera, nova suprastanta SRG.R, Vincent Augustin, president SRG.R
Legenda: Nicolas Pernet, directur RTR, Elvira Pünchera, nova suprastanta SRG.R, Vincent Augustin, president SRG.R RTR, Selina Planta


Accumpagnament musical

Ord l'archiv

RT, actualitad 17:00

Artitgels legids il pli savens