Siglir tar il cuntegn

Header

La Palma amez la regiun da skis Motta Naluns a Scuol
Legenda: La Palma amez la regiun da skis Motta Naluns a Scuol Corina Mengiardi
cuntegn

Stagiun d’enviern a Scuol Trair vid la medema suga è la devisa

Las pendicularas e la gastronomia vulan evitar nauscha reclama. Ellas collavuran perquai en vista a la stagiun da skis.

La stagiun da skis duess funcziunar ed esser in success per gastronoms, hotels ma era per las pendicularas. Quai funcziunia però be sche tuts collavurain in cun l’auter, uschia l'opiniun da Corina Mengiardi che maina dapi onns ensemen cun Paul Renn il restaurant «La Terrassa» a Scuol e «La Palma» amez il territori da skis.

Emprims discurs han gia gì lieu ed ulteriurs suondian. La finamira da quest’acziun è da stgaffir reglas fundamentalas per tut ils pertutgads – tranter auter cun coordinar e collavurar tranter scola da skis e la gastronomia. Uschia vulan ins evitar concentraziuns da blera glieud.

I va per l'image

In lockdown fiss ina nauscha reclama per l'entira regiun e betg mo per ils singuls. Ina collavuraziun è perquai da grond’impurtanza. Ils partenaris han anc temp dad observar la situaziun e da lura prender las gistas mesiras per garantir a tuts bunas cundiziuns – er als giasts da vacanzas.

RTR actualitad 07:00

Artitgels legids il pli savens

Scrollar a sanestra Scrollar a dretga