Suenter la buna stad per il sectur da turissem spetga uss la stagiun d’enviern. Martin Vincenz, il CEO da Grischun vacanzas, è optimistic per quella. Sch’i dettia numnadamain avunda naiv e las cundiziuns sajan bunas, è el persvas che blers giasts chattan la via en Grischun. Tuttina n’è la decisiun sch’i vul in certificat per las pendicularas u betg, anc betg sclerida. Il giavisch da Martin Vincenz è però cler.
Jau schess ch’ins pudess ir en las pendicularas senza certificat mabain cun mascra e distanza, ma en las ustarias natiralmain cun certificat.
audio
Turistichers en vista a la proxima stagiun d'enviern
ord Actualitad dals 07.10.2021.
laschar ir. Durada: 2 minutas 30 Secundas.
Soluziun cuminaivla
Marcus Caduff, il minister d’economia, vesa quai sumegliant. Er ses giavisch fiss da pudair utilisar las pendicularas senza certificat, impurtant saja però ch’i dettia ina schliaziun che vala per l’entira Svizra.