Entant che bleras famiglias en a la mar u simplamain davent da lur chasas en Engiadin’Ota durant las vacanzas da matg, è per quellas persunas ch'èn restadas a chasa arrivà in temp plain silenzi. Blers restaurants han serrà u serran in pèr emnas per era pussibilitar renovaziuns u simplamain per sa remetter da la stagiun invernala.
Far lavurs u guardar da las chasas vacantas dals vischins
La glieud ch'è restada en val, sa deditgescha a lavurs dad iert u da renovaziuns da chasa.
Jau hai adina lavur. Jau guard da mias biadias, vegn a gidar a far saiv per mia sora, u era a nettegiar pasculs per noss vischin e mes frar. Jau hai lavur tut il mais da matg.
Era per in pèr da las famiglias ch'han pachetà lur rauba ed èn idas en vacanzas, guarda Anni Parli sin las plantas ed ariescha tranteren las chasas ed abitaziuns.
Lungurella na datti betg
Era sche la stagiun morta da matg na plascha betg propi a Noldi Tarnuzzer - ch'è hotelier pensiunà da Samedan -na vegn quai betg lungurus ad el.
Ins chatta anc adina in u l’auter pruoder per ir a baiver ina biera ad inqual tavulin. Lungurus na vegn quai betg, Ed ins giauda era uschia.