L’istorgia cumenza l’onn 1689. Nuot Clà Janett ha drizzà en ina stamparia en sia chasa a Strada. Pli tard abita la famiglia S-charplatz in quella e prosequescha cun la tradiziun. Mo in pitschen local da la chasa era drizzà en per squitschar biblas, psalms e pli tard era gasettas, cudeschs da scola ed auter pli.
Dal 1988 suenter la mort da Jachen S-charplatz, han differentas persunas fundà la «Stamparia Strada».
Dapi 35 onns in museum
Oriundamain era previs da realisar in museum per preschentar ina tipica chasa engiadinaisa, ina chasa da purs. Ma causa l’istorgia da la stamparia en chasa è quella daventada il tema central. Oz sa chattian en quella chasa diversas maschinas da stampar da tut gener, maschinas che funcziunan anc oz. Adina puspè dastgan ins contemplar a spezialists, sco che quellas maschinas funcziunavan.
Il museum Stamparia Strada tutga tar ils bains culturals d’impurtanza naziunala, tschernids dal departament dal intern federal.