Siglir tar il cuntegn

Header

video
Viafier retica vul spustar la staziun da Lavin
Or da Actualitad dals 09.06.2016.
laschar ir. Durada: 2 minutas 10 Secundas.
cuntegn

Engiadina Staziun da tren a Lavin duai vegnir spustada

Per ademplir las pretaisas da la lescha da persunas cun impediments è la Viafier retica sfurzada da renovar u spustar la staziun da tren a Lavin.

La staziun a Lavin n'è betg pli confurma a la lescha da persunas cun impediments. Perquai ha la Viafier Retica preschentà 2 variantas pussaivlas. Ina da renovar la staziun actuala e l’autra da spustar la staziun da tren tranter Lavin e Sagliains.

Radund 70 abitantas e abitants èn stadas preschentas a la sairada d’infurmaziun. La clera maioritad vul che la staziun da tren resta er en avegnir en vischnanca. Ils abitants temian oravant tut ina sperdita da la qualitad da viver.

Staziun tranter Lavin e Sagliains

La Viafier retica favurisescha dentant la varianta da spustar. Questa è pli bunmartgada e schliass gist 2 problems. La nova staziun vegniss fabritgada confurm a la lescha da persunas cun impediments e Sagliains fiss en l'avegnir mo pli ina staziun per chargiar autos e camiuns e betg per persunas.

audio
La Viafier Retica vul spustar la staziun da Lavin
ord Actualitad dals 09.06.2016.
laschar ir. Durada: 2 minutas 17 Secundas.

RR novitads 06:00

Artitgels legids il pli savens