Suenter crudada da crappa - Via tranter Segl e Malögia puspè averta

1 / 3

Legenda: Il mardi suentermezdi hai dà ina crudada da crappa al Piz Lagrev a Segl en Engiadina. MAD

2 / 3

Legenda: La crudada da crappa è capitada al Piz Lagrev MAD

3 / 3

Legenda: En il territori sa retgatta er ina senda da viandar. MAD

Sco il schef dal district 3 da l’Uffizi da construcziun bassa, Jan Kamm, ha ditg envers RTR sa haja deliberà ier a mezdi material en ina dimensiun da radund 10’000 meters cubic. Suenter la valitaziun da la situaziun al Piz Lagrev da plirs geologs ed ils responsabels da l’Uffizi da construcziun bassa han ins però decidì da puspè avrir la via ils 2 da settember a las 17:00.

Tenor Kamm na saja la crudada da crappa al Piz Lagrev betg stada previsibla. La plievgia ferma dals ultims dis ha tenor Kamm però segir influenzà la crudada.

02:03

video

Malögia: Crappa curdada en via (Jan Kamm)

Or da Telesguard dals 02.09.2020.

laschar ir. Durada: 2 minutas 3 Secundas.