Siglir tar il cuntegn
cuntegn

Engiadina Suenter il Irontrail uss il Ultraks

Las experientschas fatgas cun l’irontrail eran betg bunas ed èn anc oz en memoria tar Jan Steiner, manader da Puntraschigna turissem. Surtut l’emprima ediziun cura che la cursa extrema sur radund 200 kilometers ha stuì vegnir rutta giu.

Vista da Muottas Muragl
Legenda: La cursa Ultraks maina denter auter si Muottas Muragl swiss-image.ch D.Martinek

Puntraschigna ha sin quai finì la collavuraziun cun l’irontrail ed ha lura gì fortuna che in nov organisatur è vegnì cun la dumonda da pudair organisar in Ultraks cun partenza e finamira a Puntraschigna. Quinta Jan Steiner. 3 distanzas dentar 16 e 46 kilometers pon ils curridurs far. Ils trajects mainan per part sin passa 2300 meters sur mer. Ins sto perquai esser trenà bain e betg mo esser disà da currer sin terren plat.

Finamira dals organisaturs e da la vischnanca

La finamira dals organisaturs dal Ultraks è d’avair radund 300 fin 400 curridurs per l’emprima ediziun. Finamira da la vischnanca èn surtut pernottaziuns. Ella investescha 40’000 en l’eveniment e spera che quai vegn in che sa etablescha en ils proxims onns.