Siglir tar il cuntegn

Header

video
Il nov festival «Sun Ice»
Or da Telesguard dals 04.04.2022.
abspielen. Laufzeit 3 minutas 10 Sekunden.
cuntegn

Sun Ice Festival San Murezzan Puspè in festival «normal» cun bunas emoziuns malgrà aura grischa

Ils iniziants giuvens ed indigens han l'idea da dar nova ed autra vita al nightlife da San Murezzan. Uschia è naschì il SunIce Festival en la regiun da skis ch'ha attratg la fin d'emna passa 10'000 giasts. L'entir festival cun palc principal, plirs palcs pli pitschens, tendas, bars, foodtrucks ed in program sportiv saja stà vendì ora.

audio
Emprim SunIce festival a San Murezzan – las impressiuns
aus Actualitad vom 04.04.2022.
abspielen. Laufzeit 3 minutas 36 Sekunden.

Suenter duas giadas spustar puspè liber

Il concept sa basa sin ils trais temas musica, art e moda. Il Sunice Festival è in dals emprims suenter l'aboliziun da tut las mesiras da corona. Visitaders e visitadras pon far festa e giudair sco pli baud. Il festival era numnadamain planisà per l’onn 2020 ed è ussa vegnì spustà duas giadas. En il focus dals organisaturs: Procurar per bunas emoziuns e puspè unir ils umans.

audio
Emprim SunIce festival a San Murezzan – la bilantscha
aus Actualitad vom 04.04.2022.
abspielen. Laufzeit 2 minutas 35 Sekunden.

Aura betg optimala

L'aura plitost grischa e nivlusa cun temperaturas bassas ed ina bisa frestga na para betg da disturbar las visitadras ed ils visitaders. Els èn cuntents da puspè esser libers, giudair l'atmosfera speciala a Salastrains sur San Murezzan e da festivar e sautar tar ils gigs dals 50 DJ's internaziunals.

L'emprim'ediziun dal SunIce Festival a San Murezzan ha lieu sur trais dis. Sco il fundatur Loris Moser ha ditg ad RTR, saja planisà per la segund'ediziun l'auter onn da prolungar quel per in di.

RTR actualitad 17:00

Artitgels legids il pli savens

Scrollar a sanestra Scrollar a dretga