Amez il territori da skis Corviglia sur San Murezzan, sautan e giaudan fans da tecno durant questa fin d’emna ils beats electronics.
Finalmain sulegl
Il festival ha lieu per la terza giada ed è l’emprima ediziun cun bell’aura. In fatg che cuntantescha il CEO, Loris Moser.
Jau ma legrel sco in uffant pitschen. Finalmain sulegl!
-
Bild 1 von 3Legenda: L'areal dal festival e survisibel e famigliar. RTR -
Bild 2 von 3Legenda: Pli tard ch'i vegn e dapli fans rivan a Salastrains. RTR
-
Bild 3 von 3Legenda: Passa 50 DJ's preschentan lur ovras al festival da quest onn. RTR
Pli grond e pli popular
Durant ils trais onns è il festival sa sviluppà adina vinavant ed è daventà pli grond. Numnadamain preschentan quest onn passa 50 DJ’s lur ovras sin tschintg differents palcs – passa 20'000 visitaders vegnan spetgads. Daventar pli grond, signifitga però er dapli custs. Tenor Loris Moser saja la situaziun finanziala mintga giada in act da ballantscha. Pli popular ch’il festival daventia, pli segira daventia però er la situaziun finanziala. Il giavisch dal giuven da 26 onns è da cuntanscher anc dapli popularitad internaziunala e da pudair sa numnar in bel di il «Coachella da las alps».