Siglir tar il cuntegn

Header

video
Il rapport da la cumissiun è ussa sin maisa
Or da Actualitad video dals 06.11.2015.
laschar ir
cuntegn

Engiadina Suprastanza communala è la culpa per debachel enturn la schanza

La suprastanza communala da San Murezzan ha gì l’incumbensa d’examinar daco che ils custs èn explodids. Previs eran 11,5 milliuns francs per la schanza da siglir cun skis, entant quint'ins cun dapi che il dubel.

Il problem principal è tenor il rapport da la cumissiun da gestiun che la suprastanza communala n'haja betg piglià serius avunda da survegliar la lavur da la cumissiun da schanza. Questa è vegnida incumbensada dal cussegl communal da San Murezzan d'accumpagnar il project d'ina nova schanza da siglir.

Igl è bain legitim che nagin commember da la suprastanza communala na fa part da la cumissiun da schanza per siglir cun skis. Ma la suprastanza sto survegliar la lavur e quai saja vegnì a la curta. Quai la conclusiun da la cumissiun da gestiun. Pir cura ch'ins ha vis ch'ils custs daventan bler massa auts ha la suprastanza reagì cun in stop da fabrica immediat.

Era cumissiun da schanza en responsabladad

Il rapport da la cumissiun da gestiun di era che la cumissiun da schanza haja agì massa ferm en atgna reschia ed uschia pers or dals egls ils custs.

La fin finala è tenor la cumissiun da gestiun dentant surtut la suprastanza communala èn la responsabladad per il fatg che la schanza da siglir cun skis custass uss tuttenina radund 25 milliuns francs.

Il president communal Sigi Asprion refusescha las renfatschas e di che la suprastanza communala haja reagì immediat cura ch'ins haja vis ch'ils custs explodeschan. Ins haja lura decretà per immediat in stop da planisaziun e da fabrica.

Artitgels legids il pli savens

Scrollar a sanestra Scrollar a dretga