Siglir tar il cuntegn

Header

Projects en la natira – ensemen cun amias e amis da tut il mund.
Legenda: Projects en la natira – ensemen cun amias e amis da tut il mund. Sebastian Nussbaumer
cuntegn

Sur En en Engiadina Bassa Uffants svizzers a l’exteriur fan vacanzas en patria

Uffants da passa 50 pajais sa participeschan al champ da vacanzas a Sur En.

Radund 400 uffants en la vegliadetgna tranter 11 e 14 sa participeschan quest’onn. Organisà vegn tut da la Fundaziun per uffants a l’exteriur cun sez a Berna. La finamira da la fundaziun è da preschentar als uffants cun pass Svizzer, ma che vivan en pajais lontans, lur emprima patria. Durant duas emnas exploreschan las gruppas differentas regiuns da la Svizra, tranter auter era l’Engiadina.

La finamira è, sper l'emprender d'enconuscher pli bain la Svizra, era da vegnir en contact cun differentas linguas, emprender chanzuns, far recepts tipics e da dar gieus tradiziunals dal pajais.

Sur En

Radund 40 uffants da tut il mund sa scuntran a Sur En en Engiadina Bassa. Els vegnan survegliads da persunas da la protecziun civila e per part students che han tschertgà in job sur stad ed èn pronts da s’engaschar senza paja.

Fundaziun per uffants a l’exteriur SJAS

Personen-Box aufklappenPersonen-Box zuklappen

La fundaziun è vegnida fundada l'onn 1917, quella giada per dar la pussaivladad ad uffants da regiuns da crisa da turnar en Svizra per porscher ad els duas emnas senza quitads. Durant ils onns 60 èn lura vegnids organisads colonias da vacanzas en differentas regiuns da la Svizra.

(SJAS – Stiftung für junge Auslandschweizer)

RR actualitad 06:00