Paucs meters en per il guaud sper Sur En da Sent, aud’ins musica quieta misteriusa sin distanza, e lura ves’ins glischs, reflexiuns tras la bostga che mussan la via fin tar figuras da glatsch sper pigns, en cuvels da glatsch e sin muntognas da naiv. Tranteren ardan pitschens fieus e chandailas che dattan ina atmosfera mistica e solenna.
Vi da la bostga vegnan projectads sin gronda distanza dissegns cun figuras da paraulas e ditgas accumpagnà cun ina musica decenta e quieta. A l’ur dal cleragl èn era stans per mangiar e baiver insatge chaud.
La societad Art Engiadina organisescha adina puspè arranschaments culturals a Sur En da Sent. Quest onn ha la giuvna indigena Carmen Cotti, ensemen cun ses bab Daniel Cotti, fatg las sculpturas ed installaziuns da glatsch. L’exposiziun «Faszinaziun Lichterwald» è averta enfin als 18 favrer.
