Siglir tar il cuntegn

Header

cuntegn

Surpraisa a Scuol Duas giadas Na ed ina giada Gea

  • 51,1% han ditg Na a la lescha da parcar
  • 66,8% han ditg Na a la lescha da taxas da construcziun
  • 62,2% han ditg Gea a la lescha da taglia

Scuol n'ha anc adina nagina lescha da parcar per tut las fracziuns. Il suveran da Scuol ha cun in resultat fitg stretg (51,1%) refusà la nova lescha da parcar. Tenor quella avess ins pudì parcar pli lunsch davent dals centers pli ditg ed er pli favuraivel. La lescha fiss atgnamain stada necessaria, cunquai che las duas fracziuns Ftan e Tarasp n’han anc nagina tala lescha.

Fanzun conceda sbagls tar lescha da parcar

Il president communal da Scuol, Christian Fanzun, ha concedì evers RTR ch'el e la suprastanza hajan fatg sbagls quai che pertutgia la lescha da parcar. Uschia hajan els betg reagì ad ura sin l'opposiziun. Sco proxim pass vul el uss analisar la situaziun.

audio
Christian Fanzun, president communal da Scuol conceda sbagls
ord RTR Audio dals 27.09.2020. Maletg: RTR
laschar ir. Durada: 24 Secundas.

Er nagina lescha da taxas da construcziun per tuts

Er ditg Na han ils da Scuol a la lescha da taxas da construcziun – quai cun 66,8%. Er quella votaziun era necessaria, perquai che be Scuol ha enfin uss ina tala lescha e las autras fracziuns anc betg.

Tar la lescha da taxas da construcziun haja la vischnanca però en in u dus onns la pussaivladad dad integrar quella direct en la lescha, ha ditg Christian Fanzun.

En pli han 62,2% dals votants e las votantas da Scuol ditg Gea l'adattaziun da sia lescha da taglia. La votaziun è stada necessaria per avair ina lescha da taglia ch'è confurma a la lescha chantunala.

RTR Novitads 12:00

Artitgels legids il pli savens