A Susch è collidà dumengia avantmezdi in auto da persunas cun ina chantunada d'ina chasa. Quai scriva la Polizia chantunala dal Grischun. L'auto saja sinaquai vegnì capultà a travers sur la via ed haja bloccà la via.
Ina persuna ch'era en l'auto saja sa blessada levamain ed ina equipa d'ambulanza ha transportà ella en l'ospital a Scuol. La polizia ha serrà la via d'Engaidina durant bun in'ura per las lavurs da rumir e per eruir ils fatgs.