Sonda suentermezdi hai ars sin il territori Chantsura a Susch. Pastgira e pigns sajan vegnids destruids, scriva la Polizia chantunala.
La polizia ed il pumpiers sajan vegnids infurmads curt suenter mezdi che pastgira ardia en il sid dal Pass dal Flüela. Cun quai ch'il terren è fitg stip, han ils pumpiers e la polizia da Zernez dumandà per agid dal Heli Bernina. Il fieu ha pudì vegnir stizzà. En tut èn stads 20 pumpiers e pumpieras en acziun.
Tge che ha causà il fieu n'è betg anc cler, la Polizia chantunala è vi dad eruir la causa dal fieu.