Gia il 1968 han ins discutà en la vischnanca da Susch davart in sviament. Adina puspè en vegnidas preschentadas variantas pussaivlas. Fin al di dad oz n’è vegnida realisada nagina. La populaziun vegn malpazienta, la situaziun da traffic na saja betg pli supportabla.
Suschavegnir
L’organisaziun «Suschavegnir» è nata ord la gruppa d’interess «Pro Sviamaint». «Suschavegnir» as preoccupescha cun dumondas e quitads da la populaziun da la fracziun da Susch. Els organiseschan mintg’onn ina radunanza generala. A l’ultima radunanza è il sviament stà il tema central.
Co enavant?
Il chantun prevesa da realisar in dals trais sviaments, vul dir quel da Sta Maria en Val Müstair, La Punt Chamues-ch en Engadin’Ota ubain appunta Susch en l’Engiadina Bassa. Quala che vegn realisada tranter il 2017 – 2020 è anc intschert. Tenor infurmaziuns dal chantun duai la decisiun dentant seguir bain spert.