Siglir tar il cuntegn
cuntegn

Engiadina Sustegn da cultura en Engiadin'Ota: votaziun ils 10 da zercladur

La conferenza dals presidents ha fixà la data per la votaziun davart l'iniziativa che vul sustegn per la culura

Chesa Planta
Legenda: La Chesa Planta, in dals lieus da cultura en Engiadin'Ota ANR, Valentina Parolini

L'iniziativa "nus sustegnain la cultura en nossa regiun" vul che la promoziun da cultura e la promoziun da la scola da musica en Engiadin'Ota daventan incumbensa da la regiun. La nova Regiun Malögia duess uschia esser responsabla per la promoziun da cultura.

Votaziun en zercladur

La conferenza da presidents da la Regiun Malögia ha ussa defini ils 10 da zercladur sco termin per la votaziun. Ussa ha la conferenza da presidents fatg la prima lectura dal messadi e da tut ils reglaments necessaris per la promoziun da cultura.

Principi da transparenza

Ultra da quai ha la conferenza da presidents discutà la pussaivladad dad introducir il principi da transparenza per la Regiun Malögia. Ins ha installà ina gruppa da lavur che duai evaluar nua ch'ins savess introducir il principi da transparenza.