Las trais regenzas dal Grischun, dal Tirol dal Sid e dal Tirol dal Nord han suttascrit a Scuol venderdi saira ina cunvegna per il partenariat en il rom da projects Interreg.
La cunvegna è la basa per projects sur cunfin per ils onns 2015 enfin 2020. Cusseglier guvernativ Jon Domenic Parolini, il president dal Tirol dal sid Arno Kompatscher ed il president dal Tirol dal Nord Günter Platter han suttascrit la cunvegna che vul dar impuls economics a las trais regiuns.
En il center da las discussiuns stattan per exempel projects d’infrastructura dal traffic public u la collavuraziun da mastergnants sur cunfin.
