Siglir tar il cuntegn

Header

cuntegn

Swiss Olympic San Murezzan è il nov center uffizial per trenar en ils auts

Pervia da l'autezza da 1'856 meters sur mar saja San Murezzan il lieu optimal per las atletas ed ils atlets da trenar. Perquai duai San Murezzan daventar il center uffizial da Swiss Olympic per trenar en ils auts e daventa il «High Altitude Training Base». Quai scrivan ils dus partenaris en ina communicaziun.

Cun augmentar il partenadi tranter la federaziun tetgala dal sport svizzer e San Murezzan vegnia schlargiada la diagnostica da prestaziun specifica. Vitiers vegnan prestaziuns a favur da tut las federaziuns da sport naziunalas ch'èn affiliadas a Swiss Olympic ed a lur atletas ed atlets. Latiers tutgan per exempel l'utilisaziun da diversas infrastructuras da trenament e da regeneraziun a San Murezzan ed en las vischnancas partenarias vischinas.

Illustraziun dal plaz da tranar
Legenda: Trenar en ils auts San Murezzan Turissem
audio
Per tadlar: las novitads da las 14:00
ord RTR Audio dals 04.08.2022.
laschar ir. Durada: 3 minutas 28 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga