Siglir tar il cuntegn

Header

La gasetta Posta Ladina
Legenda: Posta Ladina RTR, Anna Caprez
cuntegn

Swiss Press Award La Posta Ladina è nominada en la categoria «local»

La redacziun è nominada per ina gasetta da focus davart las chartas da giasts da l'Hotel Waldhaus a Vulpera. La surdada dal premi è ils 27 d’avrigl.

Punct da partenza era il cudesch cun il titel «Nagins salids da Pasqua pli» che tematisescha il cuntegn da las chartas da giasts ch’il persunal da l'Hotel Waldhaus a Vulpera ha scrit durant ils onns 1920 e 1960. Las remartgas sin las chartas eran persunalas, per part trategnantas, per part spermalantas e per part antisemiticas. La redacziun ha decidì da betg mo scriver in artitgel, mabain da far in tema da paisa londerora e da publitgar plirs artitgels. A pled èn vegnids ils auturs dal cudesch, il davos directur dal Waldhaus Vulpera, ma era l’anteriur directur dal Waldhaus a Segl ed il president da la Federaziun svizra da las communitads isrealitas.

audio
Posta Ladina è nominada per Swiss Press Award
aus Actualitad vom 26.04.2022.
abspielen. Laufzeit 3 minutas 7 Sekunden.

Grond’onur per la gasetta

Tenor Nicolo Bass, vice-schefredactur da la Posta Ladina è gia la nominaziun ina grond’onur per sia gasetta ed ina satisfacziun per la lavur prestada. La nominaziun mussia en pli ch’era ina redacziun pitschna en la periferia saja buna da prestar lavur schurnalistica qualitativamain auta, che sappia sa mesirar cun products da l’entira Svizra.

El sa legria surtut ch’ina lavur communabla da plirs redacturs saja nominada e betg mo in artitgel d’in redactur. Co ils raps – il premi è dotà cun 15'000 francs – vegnissan repartids, quai saja anc avert. Cler saja, ch’i dettia ina buna tschaina communabla, era sch’els na gudognian betg.

RTR actualitad 11:45

Artitgels legids il pli savens

Scrollar a sanestra Scrollar a dretga