Radund 100 persunas han prendì part a l'event en l'Institut Otalpin a Ftan. Thomas Harder, spezialist en il sectur da marketing ha lantschà la saira e mussà en ses referat la necessitad che la Svizra sto mantegnair per restar era en avegnir «top». Esser different ed extraordinari, metter paisa sin classa e na sin massa, communitgar cler e transparent ils products ed il pli impurtant, mussar l’amur per nossa Svizra.
Cun optimissem vers l’avegnir
La Svizra è in insla da pretschs auts. Per avair success era en l'avegnir ins duess perquai metter pais sin buna qualitad, lavur fidaivla, tschertgar collavuraziuns cun partenaris e per finir avair permanentamain in egl sin il martgà da l’avegnir, uschè la resumaziun dals discurs al podium.
Ils preschents han tadlà cun ureglias avertas ils commentaris e las posiziuns saja quai davart da la politica sco era dal turissem e mastergn.