Talians festiveschan Nossadunna d’avust sin 2278 meters sur mar

Dapi bunamain trais decennis sa radunan surtut ils giasts da l’Italia al di da Nossadunna si Marguns, sur Schlarigna. Ils numerus participants da la messa cun in gentar cuminaivel sequent rivan ubain cun la pendiculara ubain a pe sin la muntogna.

raspada radunada sut tendas Bild in Lightbox öffnen.

Legenda da maletgs: Malgrà l'aura pauc agreabla han chattà numerus talians er quest onn la via si Marguns RTR, A. Caprez

Ravarenda catolic cun dunna che vul cuffessar Avrir maletg en lightbox.

Legenda da maletgs: In lieu pli spezial per ir a conffessar. RTR, A. Caprez

Sper l'aspect religius da «Ferragosto» che vegn festivà cun duas messas – ina en tudestg ed ina en talian da 4 reverendas catolics – è l’eveniment daventà ils ultims onns er in lieu da sentupada per blers Talians che passentan lur vacanzas en Engiadina.

Causa l’aura betg uschè sulegliva èn vegnids in pèr damain a la festa da Nossadunna d’avust quest onn. Ch’il dumber da visitaders saja pli bass pervi dal ferm franc svizzer, na laschan ils preschents dentant betg propi valair. Durant in di da festa sco ils 15 d’avust na guard’ins era betg sin ils raps è vegnì suttastritgà cuntinuadamain.