Siglir tar il cuntegn

Header

cuntegn

Tar Ramosch Nov hotspot per pestgar cun mustgas

Tar Ramosch en Engiadina Bassa datti l'emprim tschancun en Grischun nua ch'i po be pli vegnir pestgà cun mustgas. Il tschancun sa chatta tranter Panas-ch e Raschvella.

Sco Clà Mosca, il president da la «Societad Muos-chers Engiadina Bassa» ha declerà a las gasettas da la «Somedia», dovran pestgaders e pestgadras là in equipament spezial:

  • pertga da mustgas
  • rolla e corda correspundenta
  • be mustgas artifizialas

L'uniun da pestga locala haja realisà quest tschancun ensemen cun la Scola auta spezialisada Grischun, L'Uffizi da chatscha e pestga e l'organisaziun da turissem regiunala. Tar il traject sa tracti d'in tschancun da test.

Dapli che be sport

Clà Mosca è losch d'avair pudì realisà quest emprim traject en Engiadina. El spera che la pestga en il chantun possia uschia vegnir manada en ina nova direcziun. En l'exteriur dettia gia blers trajects nua ch'ins possia pestgar be cun mustgas. Ed el haja constatà ch'i dettia blera glieud che viageschia da l'entir mund a quels lieus per pestgar. Pestgar cun mustgas saja dapli che be sport. I saja in pestgar attentiv nua ch'ins stoppia sa fatschentar a moda intensiva cun la natira.

Bun per la populaziun da peschs

Per il survegliader da pestga, Nicola Gaudenz è il project da pilot sur tut ina schanza per promover ina pestga durabla e persistenta. Entras la pestga cun mustgas na vegnia la populaziun betg sgromada memia fitg. Perquai èsi er planisà d'observar e cumparegliar il tschancun cun in sumegliant nua ch'i po vegnir pestgà normal.

RTR novitads 06:00

Artitgels legids il pli savens

Ir a sanester Ir a dretg