Mesemna saira hai brischà en ina chasa da l'aclaun Vallatscha a Tarasp. Persunas n'eran betg en la chasa.
Ils pumpiers alarmads an constatà flommas en la stiva, en la cuschina ed en il tschaler. Suenter passa duas uras saja il fieu stà stizzà, communitgescha la polizia chantunala. Ils pumpiers da Pisoc han mess ina guardia d'incendi enfin gievgia en damaun. Per quella è ella vegnida sustegnida da forzas d'acziun dals pumpiers da Sent. Ils donns na possian ins anc betg stimar. La polizia chantunala dal Grischun ha cumenzà las retschertgas da l'incendi.