A Tarasp è ier mort in uffant suenter ch'in iglu è crudà ensemen. Ensemen cun ses bab aveva il buob da 7 onns construì sez in iglu. Curt avant mezdi saja l'iglu crudà ensemen, scriva la Polizia chantunala. Il bab ha pudì sa deliberar da la naiv ed ha cumenzà cun agid da terzas persunas da tschertgar il buob. Quel è vegnì chattà suenter 15 minutas ed è vegnì reanimà.
La REGA ha sgulà l'uffant en l'Ospital chantunala a Cuira nua ch'el è mort malgrà tuttas stentas. La parentella survegn sustegn psicologic dal Care Team Grischun.