Datiers da Tarasp è ina dunna vegnida blessada grevamain ier suentermezdi tar in'attatga da vatgas-mamma. En il territori dal Lai Nair spassegiava la dunna da 55 onns cun trais chauns pitschens che n'eran, malgrà ina signalisaziun, betg vid la corda.
Ils chauns hajan spaventà il muvel e la dunna saja ida tar las vatgas-mamma per tschiffar ses chauns, scriva la polizia chantunala. Sinaquai hajan las vatgas attatgà la dunna. La Rega ha sgulà la dunna grev blessada en l'ospital chantunal a Cuira.