Grazia a la collavuraziun da las ovras electricas da Tavau e San Murezzan cun mia Engiadina, pon er ils abitants e las abitantas dals dus lieus profitar da l'autostrada da datas da mia Engiadina. San Murezzan Energia e l'EW Davos sajan sa colliadas cun la rait da basa da la fibra da vaider tras il tunnel da Vereina a Landquart, scriva mia Engiadina. Cun questa colliaziun possian ils custs vegnir sbassads, vegn cità Not Carl, il president dal cussegl d'administraziun da mia Engiadina.
En il medem mument annunzia la mia Engiadina Network SA, ch'ella ha pudì auzar il chapital d'aczias grazia a la participaziun da 6 ulteriuras vischnancas da l'Engiadina. La Punt-Chamues-ch, Madulain, Zuoz, S-chanf, Zernez e Samignun hajan cumprà aczias da la societad en ina valur totala da 112'800 francs, scriva la societad.
RR novitads 15:00