Siglir tar il cuntegn

Header

cuntegn

Teater a Valsot Principiant u rutinier è tuttina – impurtant è il plaschair

La gruppa da teater Chadaina Tschanüff gioga il toc «Dumeng Schuoster». Mo sis giugaders stattan sin la tribuna, ma perquai cun tant pli engaschament.

La pli gronda sfida d’ina gruppa da teater n'è betg da giugar il toc, mabain da chattar persunas che vulan giugar teater. Quai conferma er il reschissur Peder Caviezel da Ramosch. Per pudair giugar insumma stoppian ins chattar in’istorgia che saja pussaivla da giugar cun paucas persunas.

A Valsot giogan Elena Hinden ed Annalea Stuppan ina rolla principala, malgrà ch’ellas n'han betg ina gronda experientscha. Ma per il reschissur rutinà Peder Caviezel, che ha sez giugà durant ils davos 30 onns, n’è quai nagin problem. La sfida saja da chattar per mintga persuna la dretga rolla, lura vegnia tut bun.

audio
Principiant o rutinier è tuttina – impurtant è il plaschair
ord Actualitad dals 03.03.2020. Maletg: RTR, Georg Luzzi
laschar ir. Durada: 2 minutas 33 Secundas.

Las represchentaziuns han lieu en la sala polivalenta a Strada ils 6, 13 e 14 da mars a partir da las otg ed ils 8 da mars a las trais suentermezdi. Il consentiment causa il «coronavirus» ha il vitg da Valsot dà, sut la cundiziun che la situaziun na sa midia betg enfin tar las preschentaziuns.

RTR actualitad 11:00

Artitgels legids il pli savens