Mintga dus onns pon las scolaras ed ils scolars da la 5 e 6avla classa da S-chanf exercitar e represchentar in teater. Lur scolasta, Elvira Pünchera sviluppescha mintga giada scena per scena per scena. Quest onn ha ella scrit il toc cun il num «L’invid» – in’istorgia misteriusa pachetada en in crimi.
Passiun dapi la scolina
Elvira Pünchera è teatrista passiunada dapi la scolina. Là haja ella numnadamain giugà ina da las rollas principalas dal teater «La Strietta» e quai haja dà il stausch da giugar vinavant teater. La scolasta haja era gia adina scrit gugent.
Scriver per ils uffants è bellischem. Da vesair ils uffants sin il palc uschia sco jau ma hai imaginà – quai è in fitg bel sentiment.
Tips dal profi
Durant las ultimas provas avant la premiera, survegnan las scolaras ed ils scolars visita da l'actur professiunal Lorenzo Polin da Samedan. El dat vinavant tips e trics prezius, uschia che las acturas ed ils acturs èn pronts per ir sin il palc.
Las preschentaziuns han lieu ils 24, 25 e 26 da zercladur a S-chanf.
