Siglir tar il cuntegn

Header

cuntegn

Temp da pandemia Senioras e seniors han pers ina part da lur independenza

Sch'ins discurra da senioras e seniors che sa sentan isolads durant il temp da corona, lura manegian ins savens las persunas en chasas d'attempads. Dentant era persunas che vivan a chasa sa sentan restrenschids en lur mintgadi.

Mintgatant ir a dar in jass, baiver in café e dar ina baterlada – tut quai manca a senioras e seniors durant la pandemia. Il cussegliader da la Pro Senectute Grischun dal sid, Hermann Thom discurra d'ina isolaziun.

ll pli pesant saja stada l'isolaziun da persunas che na vivan anc betg uschè ditg en la regiun ubain da persunas che han dacurt pers il partenari. Ed el constatescha vinavant:

Blers din ch'els sajan vegnids bler pli vegls quest onn da corona.
Autur: Hermann Thom cussegliader Pro Senectute
audio
Corona – In dir temp per senioras e seniors
ord Actualitad dals 05.05.2021.
laschar ir. Durada: 2 minutas 57 Secundas.

Era Ottilia Godly da Brail conferma che sia vita saja sa midada fermamain: Ella saja pli savens persula:

I manca la cumpagnia da chantar e da sautar.
Autur: Ottiglia Godly Brail

La mamma da tschintg uffants creschids e nona da 13 biadias e biadis, na lascha dentant betg pender las alas. Ella giaja savens a spass, taidlia radio ubain fetschia la stgaina.

audio
L'influenza da la pandemia sin il mintgadi sco seniora – Ottilia Godly raquinta
ord Actualitad dals 05.05.2021.
laschar ir. Durada: 3 minutas 7 Secundas.

RTR actualitad 07:00

Artitgels legids il pli savens