Engiadina - Tenor l'Hom strom datti ina buna stad

Dapi tschientaners vegn fatg l’isanza da l'um strom a Scuol. Punct da partenza è adina la sonda suentermezdi, là vegn l'Hom strom fatg. Ils pli pitschens mainan natiers il strom en furma da monas. Quellas vegnan lura messas ensemen en cuas da strom e liadas vi d'in pitga da lain. La saira vegn l'Hom strom transportà al plaz Gurlaina a l'ur dal vitg da Scuol, nua ch'el vegn lura ars.

audio

L'Hom strom da Scuol

03:08 min, ord Total local dals 04.02.2019. Maletg: RTR, Reto Mayer

laschar ir. Durada: 3 minutas 8 Secundas.

Jachen Puorger ha fatg ses ultim um strom

Dapi 33 onns fa il magister Jachen Puorger ensemen cun scolaras e scolars l'Hom strom. Dapi blers onns ha el la surveglianza ed è in pau il manader da la tradiziun. Quel da sonda saira è stà ses ultim, suenter 33 onns va el questa primavaira en pensiun e quai da sonda saira è stà per el in buna finiziun.

1 / 8

Legenda: Ils pli pitschens portan natiers il strom da seghel. RTR, Reto Mayer

2 / 8

Legenda: Las cuas da strom vegnan messas enturn la pitga da lain. RTR, Reto Mayer

3 / 8

Legenda: Las cuas da strom vegnan fatgas dals uffants pli gronds. RTR, Reto Mayer

4 / 8

Legenda: Suenter radund duas uras lavur è l'Hom strom a fin. RTR, Reto Mayer

5 / 8

Legenda: La magistraglia metta si la saira l'Hom strom. RTR, Reto Mayer

6 / 8

Legenda: Curt avant las otg, avant che dar fieu. RTR, Reto Mayer

7 / 8

Legenda: Punctualmain las otg arda l'Hom strom. RTR, Reto Mayer

8 / 8

Legenda: Ils magister Jachen Puorger ha giudì suenter 33 onns ses ultim Hom strom. RTR, Reto Mayer