Territori da Corviglia - Skiunz da 81 onns è mort tar accident sin pista

En il territori da skis da Schlarigna hai dà glindesdi in accident mortal, quai sin la pista a val nà da Marguns. In um dad 81 onns è vegnì datiers da l'alp Saluver sur l'ur da la pista ora ed è collidà cun crappa. Il skiunz era da viadi cun confamigliars. Tenor la Polizia chantunala è el sa blessà vid il chau ed è mort anc en il lieu d'accident. Ensemen cun la Procura publica da Grischun vegn l'accident examinà.