Era sch’il grond Opening dal territori da skis Silvretta è crudà en l’aua, pon ins a partir dad oz puspè ir culs skis a Samignun. Per in'emna dentant be sin la vart Svizra. Quai vul dir in pli pitschen territori, ma reglas Svizras. A partir dals trais da december avran lura, malgrà il Lockdown era las pistas da skis da la vart austriaca. A partir da quel mument vala per tut la Silvretta Arena 2G.
Uschia sa preschenta l’avertura 2021 da la stagiun da skis a Samignun. Betg in cumenzament ideal, mabain in cumenzament, haja num en Samignun. Tant l’hotellaria sco era la destinaziun turistica e las pendicularas emprovan da far il meglier ordlonder. Las cudeschaziuns sajan sin in nivel allegraivel e l’hotellaria para da pudair profitar a curta vista dal Lockdown en Austria.
Dentant il pli impurtant insumma saja ussa d’avair tschertezza cun Ischgl. Quai per pudair porscher en in’emna lura l’entira regiun da skis a lur giasts. Quai ch’era betg pussaivel l’onn passà.