Siglir tar il cuntegn
cuntegn

Engiadina Terz meglier resultat per OEE

Las Ovras Electricas d' Engiadina SA han gì il terz meglier resultat l'onn da fatschenta passà. L'onn da fatschenta 2013/2014 han las ovras producì 1,6 milliardas uras kilowatt energia electrica.

Legenda: Guardar il video Terz meglier resultat per OEE. Durada 01:51 minutas.
Or da Actualitad video dals 27.02.2015.

Ils custs da producziun èn stads sin 4,76 rp per ura kilowatt. L'onn avant eran quai anc 5,8 rp. Ils motivs per quest bun resultat è stada la blera plievgia da la stad passada e l’enviern cun blera naiv, quai che ha dà bler’aua per producir forza electrica.

Sco quai che las ovras communitgeschan, han il chantun e las vischnancas concessiunarias survegnì tschains d'aua da totalmain 22 milliuns francs.

Martgà difficil influenzescha

Malgrà las bunas cifras sentan las Ovras Electricas d'Engiadina l'influenza da la situaziun dal martgà difficila. Pervi dals pretschs europeics bass na sajan las ovras strusch ablas da concurrer.

RR novitads 14:00