Tes vitg – Tia istorgia - Nus giain a Bever - Novitads

Il vitg da Bever ...

è situà en l'Engiadin'Ota sin 1'714 meters sur mar
ha 607 abitantas ed abitants
ha 213 chasas
e 283 vatgas.

Quai scriva la chanzlia communala sin sia pagina introductiva en la rait.

Quest'emna essan nus en tschertga da tut quellas istorgias sur dal vitg, che las abitantas ed abitants da enconuschan. Da mesemna enfin venderdi fan nossa reportra Lucia Parolini e noss reporter Pietro Jacomet fermativa cun la rulotta da RTR a Bever.

Vus pudais inditgar Vossas istorgias:

glindesdi e mardi tranter las 11:00 e las 12:00 direct en il studio da radio sin il numer 0800 20 25 30
cura che Vus vulais per whatsapp sin il numer 079 200 70 07

Grazia fitg per Vossas ideas!

Intginas propostas ha Pietro Jacomet schon survegnì, quai dal president communal Fadri Guidon.

audio

Tes vitg - tia istorgia: Ils tips dal president communal

ord Actualitad dals 06.07.2020.

laschar ir. Durada: 7 minutas 5 Secundas.

Poesia d'amur per Bever

Ina persuna da Bever ha tramess a nus ina poesia cun in pèr patratgs ch'ella ha fatg da sia vischnanca da patria. Ella vul restar anonima ed ha perquai tschernì il pseudonim «giunfra bevrotta».

Bever nun es be ün cumün, Bever per me es sinonim a communited e patria

Autur: «Ina giunfra bevrotta»

En la poesia menziuna la giuvna co ch'igl è da crescher si a Bever e tge impurtanza che quella patria ha per ella.

audio

Tes vitg - tia istorgia: Poesia d'ina «Giunfra bevrotta»

ord Actualitad dals 07.07.2020.

laschar ir. Durada: 4 minutas 24 Secundas.

Ord l'archiv

A Bever datti per exempel giuvens ch'èn solidarics cun ils seniors:

video

Giuvens gidan vegls - in'acziun da solidaritad a Bever

Or da Telesguard dals 23.03.2020.

laschar ir. Durada: 2 minutas 58 Secundas.

A Bever stà e lavura er Primo Semadeni – l'unic Grischun, che maina trais buffets u restorants da staziun, numnadamain a Bever, sin il Bernina e sin l'Alp Grüm: