Radund 600 giuvenilas e giuvenils sa scuntran al «EYP – European Youth Parliament Switzerland» quest onn en il Tessin. Il parlament europeic per giuvenils porscha ina plattafurma per savair politisar, discutar e barattar experientscha en connex cun differents temas ch’occupan er la giuventetgna europeica.
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
Da la partida èn er sis scolars da l’Academia Engiadina Samedan. Per els saja quai er in’aventura, uschia din ils scolar da 17 onns, Flurin Salzgeber da S-chanf.
Sa preparar per l’avegnir
Cun sa participar a l’inscunter da l'EYP hajan els er la pussaivladad da sa preparar activamain sin lur duair democratic che cumenza cun la vegliadetgna da 18 onns.
Da vesair en il parlament da giuvenils co ch’i funcziuna en la politica, dat a nus ina invista en in mund ch’ins spetga l’onn proxim cura che nus pudain ir activamain a vuschar.
Betg be protecziun dal clima
Ils temas ch’ils giuvenils discuteschan durant l’inscunter en il Tessin, na sajan dentant betg be focusads sin la protecziun dal clima, suttastritga Robert Ganzoni da Schlarigna. Dumondas en connex cun mobilitad, l’armada svizra u er dumondas d’energia interesseschan ils scolars Engiadinais.
L'EYP, l’inscunter da giuvenils en il parlament europeic dura dals 22 als 26 da settember 2023.