Siglir tar il cuntegn

Header

cuntegn

Engiadina Tgi che tschertga, chatta

L’organisaziun d’ina cursa d’orientaziun è ina sfida. Mais ordavant ston ins pigliar sut la marella ils lieus, dumandar permiss a privats, vischnancas e chantun. E quai sper tut il rest da l'organisaziun per l'eveniment. 325 atlets èn a la partenza al campiunadi mundial dals juniors.

Ina pitschna bandiera alv-oranscha marchescha in post ch'ils curriders ston chattar uschè svelt sco pussaivel. Gist dasper sa chatta in sensur electronic che registrescha cura ch'il currider ha chattà il post.

Tranter 30 fin 90 posts èn necessari per organisar ina cursa d’orientaziun. Tut tenor sch'igl è ina cursa lunga u in sprint.

audio
Mezdi: Tgi che tschertga, chatta
ord Actualitad dals 11.07.2016.
laschar ir. Durada: 2 minutas 34 Secundas.

Per mintga post in permiss

Ils organisaturs dal campiunandi mundial dals juniors han stuì dumandar il permiss per mintga post ch'els mettan si. A privats, la vischnanca e per cursas en il guaud ed era al chantun.

Repartida dals posts pir curt avant la cursa

Las bandieras alvas ed oranschas ensemen cun il modul electronic vegnan postadas pir curt avant la cursa. Quai d'ina vart or da motiv da secretezza e da l'autra vart per evitar ch'ellas vegnian enguladas u devastadas.

video
Organisaziun da la cuorsa d'orientaziuniun
Or da RTR dals 11.07.2016.
laschar ir. Durada: 1 minuta 6 Secundas.

RR actualitad 12:00

Artitgels legids il pli savens